24.12.2018

Маҳсулотингизни сотиб олиш учун 8 та руҳлантирувчи асос

1.Биринчи эҳтиёж – «қулайлик». Одамлар қулайликни эътиборга олиб, айрим харидларни амалга оширишади. Ҳар қандай маҳсулот ёки хизматни қулайлик юзасидан сотиб олиш мумкин. Бу маҳсулот/хизматга эмас, мижоз/харидорга боғлиқ. Ҳатто агар маҳсулот/хизмат қулайлик даражасини оширишга йўналтирилмаган бўлса, тақдимотга бунга урғу бериш, харидорларда уни сотиб олиш истагини уйғотиш мумкин. Бу билан тақдимотдан кўзланган мақсадга эришиш мумкин. Мисол – пойабзал. Қулайликка кучли тарзда эътибор қаратадиган пойабзал брендлари бор.

2.Хариднинг иккинчи асоси – ишонч ва хавфсизлик. Одамлар ҳимояни таъминлайдиган сигнализация,  ўз-ўзини ҳимоя қилиш воситалари, темир эшиклар ёки сейфларни ўзи ва ўз мол-мулкини хавфдан сақлаш учун сотиб олишади. Бошланғич нуқтага келинг, муаммоларни ёзинг, кучайтириб, авжига, энг юқори нуқтасига чиқаринг. Маҳсулотингизда рақобат устунликларини эслатган ҳолда, ечимни кўрсатинг.

3.Хариднинг учинси асоси – обрў. Қимматбаҳо совғалар, ручкалар, либос, портфель, машҳур брендларнинг кўзойнаклари, автомобиллар обрў учун харид қилинади. Қиммат ручкага муҳим зарурият йўқ, ахир 100 сўмлик арзон ручкада ҳам ёзиш мумкин.

4.Хариднинг учинчи асоси – бу мулоқот. Одамлар кўп буюмларни суҳбатлашиш истаги ёки мулоқот шароити сабаб сотиб олишади: ишга торт, гуллар, ширинликлар ва бошқалар. Мулоқот асоси энг кучли саналади. Шу сабабли агар сизнинг маҳсулот ва хизматингиз мулоқот имкониятини енгиллаштирса, харидорлар уларни қувонч билан сотиб олишади

5. Навбатдаги асос – қизиқиш. Одамлар янги ниманидир татиб кўриш ёки билиш мақсадида нималарни сотиб олишмайди, дейсиз? Бир харидор китоб дўконида содир бўлган воқеани гапириб берганди. «Эркаклар жинсий ҳаётдан ташқари яна нимага қизиқишади?» деб номланувчи ғаройиб сарлавҳали китобни кўриб қолади. Китоб тахминан 200-300 бетдан иборат эди. У полиетилен пакетга ўралган бўлиб, варақлаб кўришни иложи йўқ эди. Китоб 100 рублга яқин турар, лекин яхшигина сотилаётганди. Чунки унинг сарлавҳаси одамларда қизиқиш уйғотганди.

Харидор уйга бориб, китобни очса, унинг барча варақлари тоза эди. Бундай маркетинг ғояси билан нашриёт қайдлар учун блокнотларни юқори нархларда сотишга муваффақ бўлган.

6. Хариднинг кейинги асоси – бу фойда. Фойда – арзон дегани эмас. Фойдали эканлиги  – мижозни бошқаси билан солиштирганда бу маҳсулот фойдаланишдаги фойдасига ишонтиришдир. Эҳтимол, қимматроқ, лекин тежамли ёки унумли. Маҳсулотингининг барча устунлик ва фойдали жиҳатларини тушунтириб, ишонтириш – бу ҳақиқий санъатдир.

7.Хариднинг еттинчи асоси – эътибор ва нуфуз. Агар сиз бундай соатни машҳур сиёсатчи ёки нуфуpли тадбиркор таққан, бундай машинани машҳур шоумен ҳайдаган, бу уйда шоир яшаганини айтсангиз, мижозларнинг маълум табақасини харид қилишга нисбатан руҳлантирасиз. АҚШда бир неча йил олдин бозор қиймати 5-6 миллион доллар бўлган уй 8 миллион долларга сотилган. Бунга бу ерда қачонлардир Барак Обама яшагани сабаб бўлган. Собиқ эгасининг мавқе ва машҳурлиги сабаб уй бозор қийматидан кўра қимматга сотилган.

8.Хариднинг сўнгги асоси – соғлиқ. Одамлар соғлом бўлишлари ва ўзларини яхши ҳис этишлари учун катта пулларни ишлатишга тайёрдирлар. Агар сизнинг маҳсулот/хизматингиз соғлиқни сақлаш, ҳимоялаш ёки тўғридан-тўғри тиклашига имкон берса, бу харид учун кучли асос бўлиб хизмат қилади.

Мақолалар